წიგნში თავმოყრილია ინფორმაცია საისტორიო ცენტრალურ არქივში დაცული 876 ფონდის შესახებ, მათ შორისაა: ჰარვარდისა და ლევილის კოლექციების დოკუმენტებით შექმნილი ფონდები. გამოცემაში აღწერილია თითოეული ფონდი, მათი შექმნის ისტორია და ქრონოლოგიური ჩარჩო.

გამოცემაზე მუშაობდნენ: ზურაბ ჟვანია, შორენა გულიაშვილი და ნინო გელავა. 

ზომა: 29,5X21 სმ.

გვერდების რაოდენობა: 415 გვ.

ყდა: რბილი გარეკანი

„ქართულ ხელნაწერთა აღწერილობის“ მეორე ტომი. გამოცემაში შესულია საქართველოს ეროვნულ არქივში დაცული მორიგი 100 ხელნაწერის აღწერილობა.

აღსანიშნავია, რომ აღწერილობების მეორე ტომში შესული ხელნაწერები სხვადასხვა დროს UNESCO-ს მსოფლიო მეხსიერების საერთაშორისო რეესტრში შეიტანეს: ვახუშტი ბატონიშვილის ატლასი და „აღწერა სამეფოსა საქართველოსა“, ანბანდიდი სახარება, ფსალმუნი და ნევმირებული საგალობლები - ძლისპირნი და ღვთისმშობლისანი.

ხელნაწერთა აღწერილობები შეადგინეს და გამოსაცემად მოამზადეს: ქეთევან ასათიანმა, თამარ გაბუნიამ, ლიკა აბრალავამ, მაკა კირვალიძემ, ვერა შენგელიამ და მანანა ჭუმბურიძემ.

ზომა: 23,5X16,5 სმ.

გვერდების რაოდენობა: 367 გვ.

ყდა: რბილი გარეკანი

წიგნში წარმოდგენილია საქართველოს ეროვნულ არქივში დაცული ის მასალა, რომელიც 2018 წელს UNESCO-ს მსოფლიო მეხსიერების საერთაშორისო რეესტრში შევიდა:

1) ვახუშტი ბატონიშვილის ატლასი და „აღწერა სამეფოსა საქართველოსა“ (2013);

2) ეროვნულ არქივში დაცული 8 უძველესი ხელნაწერი (2015);

3) სახარება-პალიმფსესტი (2017).

წიგნი გამოცემულია ორ (ქართულ და ინგლისურ) ენაზე და განკუთვნილია ფართო საზოგადოებისთვის.

მეორე გამოცემა, თბილისი, 2018 წელი.

რედაქტორ-შემდგენელი: ქეთევან ასათიანი

ზომა: 27X21 სმ.

გვერდების რაოდენობა: 74 გვ.

ყდა: რბილი გარეკანი

საქართველოს ეროვნული არქივის გამოცემათა სერიის „მოგონებები, მემუარები, ჩანაწერების“ მეხუთე ტომი.

ესტატე მირიანაშვილი (1866-1954 წწ.) - XIX საუკუნის ბოლოსა და XX საუკუნის პირველ ნახევარში მოღვაწე სასულიერო პირი, შემდგომში იურისტი, ქართული კულტურის მკვლევარი. 

მისი მოგონებები, ძირითადად, ასახავს მეფის რუსეთის ეპოქას. ამასთან, საინტერესოდ აღწერს საქართველოს პირველი რესპუბლიკის არსებობის წლებს. მოგონებების ერთი ნაწილი საბჭოთა პერიოდსაც მოიცავს.

რედაქტორი: ქეთევან ასათიანი

გამოსაცემად მოამზადა, წინასიტყვაობა და კომენტარები დაურთო: თამთა შონვაძემ

ზომა: 21X14,5 სმ.

გვერდების რაოდენობა: 163 გვ.

ყდა: ტყავი, რბილი გარეკანი

საქართველოში ფოტოგრაფიას მდიდარი ისტორია აქვს. ამაზე მეტყველებს ჯერ კიდევ 1893-1906 წლებში თბილისში არსებული "ტფილისის მოყვარულ ფოტოგრაფთა საზოგადოება". წარმოდგენილ წიგნში სწორედ ამ საზოგადოების ისტორია, წევრების არასრული სია, მათი საქმიანობის ანგარიშები, გამოფენები თუ სხვა ინფორმაციაა მოცემული. 

წიგნში მოცემული ფოტოები და ილუსტრაციები საქართველოს ეროვნულ არქივსა და სხვადასხვა მუზეუმშია დაცული.

შეადგინა და გამოსაცემად მოამზადა ნინო ძანძავამ.

ზომა: 22,4X20,1 სმ.

გვერდების რაოდენობა: 260 გვ.

ყდა: რბილი გარეკანი

საქართველოს ეროვნული არქივის გამოცემათა სერიის „მოგონებები, მემუარები, ჩანაწერების“ მეექვსე ტომი.

დავით გორგაძე ცნობილი მეცნიერისა და საზოგადო მოღვაწის, სერგი გორგაძის ოჯახში დაიბადა 1903 წლის 9 ოქტომბერს. მოგონებების ავტორი საკმაოდ აქტიური ახალგაზრდა იყო, მონაწილეობდა 1921 წლის რუსეთ-საქართველოს ომში, ომის დასრულებისა და საქართველოს გასაბჭოების შემდეგ კი - სტუდენტურ გამოსვლებში საბჭოთა რეჟიმის წინააღმდეგ, რის გამოც ორჯერ დააპატიმრეს 1922 და 1924 წლებში. მისთვის გვერდი არ აუვლია 1937-1938 წლების რეპრესიებსაც და ის სხვა მრავალ უდანაშაულო ადამიანთან ერთად აბსურდული ბრალდებების საფუძველზე გახდა საბჭოთა რეჟიმის მორიგი მსხვერპლი. დავით გორგაძის „მოგზაურობა ჯოჯოხეთში“ სწორედ მისი გასამართლების, გადასახლებისა და ტანჯვის პერიოდს ასახავს. ნაშრომი მნიშვნელოვანია უშუალოდ ავტორის მიერ განცდილი ტრაგედიისა და საშინელებების პირდაპირი შეულამაზებელი გადმოცემით.

გამოსაცემად მოამზადა, რედაქტირება გაუკეთა, წინასიტყვაობა და კომენტარები დაურთო ბესიკ ჯაჭვლიანმა.

ტექსტი გადმოწერეს თეონა გელაშვილმა და ნათია სურმანიძემ.

ზომა: 20,6X14,5 სმ.

გვერდების რაოდენობა: 237 გვ.

ყდა: რბილი გარეკანი

„ქართულ ხელნაწერთა აღწერილობის“ მესამე ტომი. წინამდებარე ტომში საქართველოს ეროვნულ არქივში დაცული მორიგი 100 ხელნაწერის აღწერილობა შევიდა. ხელნაწერთა ქრონოლოგიური ჩარჩო განისაზღვრა XVI-XX  საუკუნეებით.

ხელნაწერთა ძირითადი ნაწილი წმინდა ძმების - ვასილ და პოლიევქტოს კარბელაშვილების - პირადი კოლექციის ნაწილია და 1925-1928 წლებში მათ მიაწოდეს ეროვნულ არქივს. 

ხელნაწერთა აღწერილობები შეადგინეს და გამოსაცემად მოამზადეს: ქეთევან ასათიანმა, სოფიო ებილაშვილმა, ვერა შენგელიამ და მანანა ჭუმბურიძემ.

ზომა: 23X16,5 სმ.

გვერდების რაოდენობა: 466 გვ.

ყდა: რბილი გარეკანი

კატალოგი აერთიანებს საქართველოს ეროვნულ არქივში დაცულ XI-XVIII საუკუნეების ისტორიულ საბუთებზე დართულ ხელრთვებს, კერძოდ, სამეფო ოჯახის წევრების, კათალიკოსების, საერო და სასულიერო დიდმოხელეთა დამტკიცებას - ხელის ჩართვას ანუ ხელრთვას. ხელრთვის მეშვეობით საბუთებმა შემოგვინახა ქართველი მეფეების, კათალიკოსებისა და ისტორიული პირების ავტოგრაფები, მათ შორის: გიორგი II-ის, დავით აღმაშენებლის, თამარ მეფის, დავით სოსლანის, რუსუდან მეფის, დავით ულუს, დავით ნარინისა და სხვათა.

კატალოგში შეტანილია 541 ხელრთვა. თითოეულ მათგანს საბუთის რაობა, თარიღი და მოკლე არქეოგრაფიული აღწერილობა ახლავს.

რედაქტორ-შემდგენელი – მანანა ჭუმბურიძე

ზომა 28.5X21 სმ.

გვერდების რაოდენობა: 415 გვ.

ყდა: მაგარი გარეკანი.

„ქართულ ხელნაწერთა აღწერილობის“ პირველი ტომი. წიგნში შესულია საქართველოს ეროვნულ არქივში დაცული 100 ხელნაწერის სამეცნიერო აღწერილობა, რომლებიც შედგენილია ახალი სტანდარტებით. ხელნაწერთა შორისაა IX-XIX საუკუნეების სასულიერო და საერო ხასიათის ცალკეული თხზულებები და კრებულები, ქართული ორიგინალური და ნათარგმნი კრებულები, რომლებიც დაწერილია ასომთავრულით, ნუსხურითა და მხედრულით. 

ხელნაწერთა ახალი სტანდარტებით აღწერის პროექტი 2014 წელს დაიწყო. ამ პროცესში გამოვლინდა ბევრი მნიშვნელოვანი სიახლე: პალიმფსესტური ფურცლები, ახალი ანდერძ-მინაწერები, სამეცნიერო წრეებისთვის კარგად ცნობილი ტექსტების შემცველი ახალი ხელნაწერები და ა.შ. ხელახლა გადაინომრა და აიკინძა ორმოცამდე ხელნაწერი, მათი ნაწილის თარიღი შეიცვალა და დაზუსტდა სათაურები; ცალ-ცალკე აღიწერა ერთ ხელნაწერში გაერთიანებული სხვადასხვა ნუსხის ფრაგმენტი.

ხელნაწერთა აღწერილობები შეადგინეს და გამოსაცემად მოამზადეს: ქეთევან ასათიანმა, თამარ გაბუნიამ, თეონა გელაშვილმა, მაკა კირვალიძემ, ვერა შენგელიამ და მანანა ჭუმბურიძემ.

ზომა: 23,5X16,5 სმ.

გვერდების რაოდენობა: 415 გვ.

ყდა: რბილი გარეკანი

საქართველოს ეროვნული არქივის გამოცემათა სერიის „მოგონებები, მემუარები, ჩანაწერების“ პირველი ტომი.

„მოგონებები“ ნიკო ბაგრატიონის, იმავე ნიკო ბურის მიერ დაწერილია წმინდა ელენეს კუნძულზე გადასახლებისას, ამ “მოგონებებში“ იგი თავის ყოველდღიურ ცხოვრებასა და განცდებს აღწერს. 1899 წელს აფრიკაში ლომებზე სანადიროდ წასული ნიკო ბაგრატიონის მოგზაურობას დაემთხვა ინგლისის მიერ სამხრეთ აფრიკის (ბურების) რესპუბლიკის წინააღმდეგ საომარი მოქმედებები. ის ჩაერთო ომში და ბურების მხარეს იბრძოდა. ომის დასასრულს ტყვედ ჩავარდა და წმინდა ელენეს კუნძულზე გადაასახლეს.

რუსულიდან თარგმნა და გამოსაცემად მოამზადა: თამარ გაბუნიამ

ზომა: A5

გვერდების რაოდეობა: 80 გვ.

ყდა: რბილი გარეკანი, ტყავი

საქართველოს ეროვნული არქივის გამოცემათა სერიის „მოგონებები, მემუარები, ჩანაწერების“ მეორე ტომი.

პირველი ქართველი ლოტბარი ქალის, მარო თარხნიშვილის, მოგონებები 1909-1968 წლებს მოიცავს. მემუარების ავტორი საინტერესო ამბებს გვიყვება საქართველოს სამი პერიოდის - მეფის რუსეთის დროინდელი, პირველი დემოკრატიული რესპუბლიკისა და საბჭოთა დროის - შესახებ.

წიგნი გამოსაცემად მოამზადა და წინასიტყვაობა დაურთო ნინო ბადაშვილმა.

ზომა: A5

გვერდების რაოდეობა: 215 გვ.

ყდა: რბილი გარეკანი, ტყავი.

საქართველოს პირველი რესპუბლიკის არსებობის ხანმოკლე პერიოდში ერთ-ერთი ძირითადი საკითხი ქვეყნის უსაფრთხოების გაძლიერება იყო. საქართველოს ეროვნულ არქივში დაცულ საარქივო მასალაზე დაყრდნობით წიგნის ავტორი აანალიზებს იმ პერიოდის თავდაცვის სისტემას და ყურადღებას ამახვილებს იარაღის თითოეულ ტიპზე, რომელთაც 1918-21 წლების საქართველოს შეიარაღებული ძალები ფლობდა. 

გამოსაცემად მოამზადა: დიმიტრი სილაქაძემ

ზომა: 21X14,5 სმ.

გვერდების რაოდენობა: 79 გვ.

ყდა: რბილი გარეკანი