ღია ბარათი
ღია ბარათზე: საქართველოს რესპუბლიკის დამფუძნებელი კრების პრეზიდიუმი: კონსტანტინე ჯაფარიძე, გრიგოლ ნათაძე, ექვთიმე თაყაიშვილი, ალექსანდრე ლომთათიძე, სვიმონ მდივანი, ქრისტინე შარაშიძე. მთავრობის სახლის აივანი (დღევანდელი მოსწავლე-ახალგაზრდობის ეროვნული სასახლე). თბილისი, 1919 წ.
ზომა: 10,5X15 სმ.
მასალა: 250 გრ. ცარცის ქაღალდი
წიგნი
საქართველოს ეროვნული არქივის გამოცემათა სერიის „მოგონებები, მემუარები, ჩანაწერების“ მეხუთე ტომი.
ესტატე მირიანაშვილი (1866-1954 წწ.) - XIX საუკუნის ბოლოსა და XX საუკუნის პირველ ნახევარში მოღვაწე სასულიერო პირი, შემდგომში იურისტი, ქართული კულტურის მკვლევარი.
მისი მოგონებები, ძირითადად, ასახავს მეფის რუსეთის ეპოქას. ამასთან, საინტერესოდ აღწერს საქართველოს პირველი რესპუბლიკის არსებობის წლებს. მოგონებების ერთი ნაწილი საბჭოთა პერიოდსაც მოიცავს.
რედაქტორი: ქეთევან ასათიანი
გამოსაცემად მოამზადა, წინასიტყვაობა და კომენტარები დაურთო: თამთა შონვაძემ
ზომა: 21X14,5 სმ.
გვერდების რაოდენობა: 163 გვ.
ყდა: ტყავი, რბილი გარეკანი
ქართული ხალხური ზღაპრები (ახალი ჩანაწერები)
ორდისკიანი ქართული ხალხური ზღაპრების აუდიოჩანაწერები
ზღაპრებს ახმოვანებენ ცნობილი მსახიობები: გია აბესალაშვილი, რუსუდან ბოლქვაძე, რამაზ იოსელიანი, ქეთი ჩხეიძე.
დისკი I:
1. კაცის ძალა
2. ხელმწიფე და მწყემსი
3. სიზმარა
4. ნალის შეჭამანდი
5. ღარიბი გლეხი და უჭკუო ცოლი
6. მეჩონგურე
7. ცრუ და მართალი
8. ხელმწიფე და გლეხის ქალი
9. ბედის მაძებარი კაცი
10. საზღაური
დისკი II
1. მეგობრობა
2. სამი ძმა და ქოსატყუილა
3. ალალი და ორი შაური
4. ჭკვიანი ხელმწიფე და ღარიბი კაცი
5. ერთი დრო არავის შერჩება
6. ლომი და კურდღელი
7. სამმტევანა ჭაბუკი
8. ნახევარწიწილა
9. მსაჯული მელა
10. ხელმწიფის შვილი და მისი მეზობლები
პროექტის ავტორი: გიორგი კაკაბაძე
გარეკანი: 300 გრ. ცარცი, ფერადი. ყდაზე ილუსტრაციები: ზაალ სულაკაური
წიგნი "ტფილისის მოყვარულ ფოტოგრაფთა საზოგადოება (1893-1906)"
საქართველოში ფოტოგრაფიას მდიდარი ისტორია აქვს. ამაზე მეტყველებს ჯერ კიდევ 1893-1906 წლებში თბილისში არსებული "ტფილისის მოყვარულ ფოტოგრაფთა საზოგადოება". წარმოდგენილ წიგნში სწორედ ამ საზოგადოების ისტორია, წევრების არასრული სია, მათი საქმიანობის ანგარიშები, გამოფენები თუ სხვა ინფორმაციაა მოცემული.
წიგნში მოცემული ფოტოები და ილუსტრაციები საქართველოს ეროვნულ არქივსა და სხვადასხვა მუზეუმშია დაცული.
შეადგინა და გამოსაცემად მოამზადა ნინო ძანძავამ.
ზომა: 22,4X20,1 სმ.
გვერდების რაოდენობა: 260 გვ.
ყდა: რბილი გარეკანი
წიგნი "დავით გორგაძე მოგზაურობა ჯოჯოხეთში"
საქართველოს ეროვნული არქივის გამოცემათა სერიის „მოგონებები, მემუარები, ჩანაწერების“ მეექვსე ტომი.
დავით გორგაძე ცნობილი მეცნიერისა და საზოგადო მოღვაწის, სერგი გორგაძის ოჯახში დაიბადა 1903 წლის 9 ოქტომბერს. მოგონებების ავტორი საკმაოდ აქტიური ახალგაზრდა იყო, მონაწილეობდა 1921 წლის რუსეთ-საქართველოს ომში, ომის დასრულებისა და საქართველოს გასაბჭოების შემდეგ კი - სტუდენტურ გამოსვლებში საბჭოთა რეჟიმის წინააღმდეგ, რის გამოც ორჯერ დააპატიმრეს 1922 და 1924 წლებში. მისთვის გვერდი არ აუვლია 1937-1938 წლების რეპრესიებსაც და ის სხვა მრავალ უდანაშაულო ადამიანთან ერთად აბსურდული ბრალდებების საფუძველზე გახდა საბჭოთა რეჟიმის მორიგი მსხვერპლი. დავით გორგაძის „მოგზაურობა ჯოჯოხეთში“ სწორედ მისი გასამართლების, გადასახლებისა და ტანჯვის პერიოდს ასახავს. ნაშრომი მნიშვნელოვანია უშუალოდ ავტორის მიერ განცდილი ტრაგედიისა და საშინელებების პირდაპირი შეულამაზებელი გადმოცემით.
გამოსაცემად მოამზადა, რედაქტირება გაუკეთა, წინასიტყვაობა და კომენტარები დაურთო ბესიკ ჯაჭვლიანმა.
ტექსტი გადმოწერეს თეონა გელაშვილმა და ნათია სურმანიძემ.
ზომა: 20,6X14,5 სმ.
გვერდების რაოდენობა: 237 გვ.
ყდა: რბილი გარეკანი
წიგნი "ქართულ ხელნაწერთა აღწერილობა" III ტომი
„ქართულ ხელნაწერთა აღწერილობის“ მესამე ტომი. წინამდებარე ტომში საქართველოს ეროვნულ არქივში დაცული მორიგი 100 ხელნაწერის აღწერილობა შევიდა. ხელნაწერთა ქრონოლოგიური ჩარჩო განისაზღვრა XVI-XX საუკუნეებით.
ხელნაწერთა ძირითადი ნაწილი წმინდა ძმების - ვასილ და პოლიევქტოს კარბელაშვილების - პირადი კოლექციის ნაწილია და 1925-1928 წლებში მათ მიაწოდეს ეროვნულ არქივს.
ხელნაწერთა აღწერილობები შეადგინეს და გამოსაცემად მოამზადეს: ქეთევან ასათიანმა, სოფიო ებილაშვილმა, ვერა შენგელიამ და მანანა ჭუმბურიძემ.
ზომა: 23X16,5 სმ.
გვერდების რაოდენობა: 466 გვ.
ყდა: რბილი გარეკანი
საქართველოს კურორტები DVD
შავ-თეთრი დოკუმენტური ფილმი "საქართველოს კურორტები", DVD
1929 წელს გადაღებული ფილმი მოგვითხრობს საქართველოს კურორტების შესახებ.
კინოკადრებში ნაჩვენებია საბჭოთა მშრომელების დასვენება და გამაჯანსაღებელი პროცედურები საქართველოს სხვადასხვა კურორტზე. მათ შორისაა: ბორჯომი, ახტალა, წყალტუბო, შამშოვი, აბასთუმანი და სხვა.
რეჟისორი: ედუარდ სუპატაშვილი. ოპერატორი: ფერდინანდ გეგელე
ფილმის ხანგრძლივობა: 29 წთ.
რაოდენობა: 1 ც.
გარეკანი: 300 გრ. ცარცი, ფერადი
