წიგნი „ხელრთვები“
კატალოგი აერთიანებს საქართველოს ეროვნულ არქივში დაცულ XI-XVIII საუკუნეების ისტორიულ საბუთებზე დართულ ხელრთვებს, კერძოდ, სამეფო ოჯახის წევრების, კათალიკოსების, საერო და სასულიერო დიდმოხელეთა დამტკიცებას - ხელის ჩართვას ანუ ხელრთვას. ხელრთვის მეშვეობით საბუთებმა შემოგვინახა ქართველი მეფეების, კათალიკოსებისა და ისტორიული პირების ავტოგრაფები, მათ შორის: გიორგი II-ის, დავით აღმაშენებლის, თამარ მეფის, დავით სოსლანის, რუსუდან მეფის, დავით ულუს, დავით ნარინისა და სხვათა.
კატალოგში შეტანილია 541 ხელრთვა. თითოეულ მათგანს საბუთის რაობა, თარიღი და მოკლე არქეოგრაფიული აღწერილობა ახლავს.
რედაქტორ-შემდგენელი – მანანა ჭუმბურიძე
ზომა 28.5X21 სმ.
გვერდების რაოდენობა: 415 გვ.
ყდა: მაგარი გარეკანი.
წიგნი „ქართულ ხელნაწერთა ანალიტიკური კატალოგი“
„ქართულ ხელნაწერთა აღწერილობის“ პირველი ტომი. წიგნში შესულია საქართველოს ეროვნულ არქივში დაცული 100 ხელნაწერის სამეცნიერო აღწერილობა, რომლებიც შედგენილია ახალი სტანდარტებით. ხელნაწერთა შორისაა IX-XIX საუკუნეების სასულიერო და საერო ხასიათის ცალკეული თხზულებები და კრებულები, ქართული ორიგინალური და ნათარგმნი კრებულები, რომლებიც დაწერილია ასომთავრულით, ნუსხურითა და მხედრულით.
ხელნაწერთა ახალი სტანდარტებით აღწერის პროექტი 2014 წელს დაიწყო. ამ პროცესში გამოვლინდა ბევრი მნიშვნელოვანი სიახლე: პალიმფსესტური ფურცლები, ახალი ანდერძ-მინაწერები, სამეცნიერო წრეებისთვის კარგად ცნობილი ტექსტების შემცველი ახალი ხელნაწერები და ა.შ. ხელახლა გადაინომრა და აიკინძა ორმოცამდე ხელნაწერი, მათი ნაწილის თარიღი შეიცვალა და დაზუსტდა სათაურები; ცალ-ცალკე აღიწერა ერთ ხელნაწერში გაერთიანებული სხვადასხვა ნუსხის ფრაგმენტი.
ხელნაწერთა აღწერილობები შეადგინეს და გამოსაცემად მოამზადეს: ქეთევან ასათიანმა, თამარ გაბუნიამ, თეონა გელაშვილმა, მაკა კირვალიძემ, ვერა შენგელიამ და მანანა ჭუმბურიძემ.
ზომა: 23,5X16,5 სმ.
გვერდების რაოდენობა: 415 გვ.
ყდა: რბილი გარეკანი
წიგნი „ნიკო ბურის დღიური“
საქართველოს ეროვნული არქივის გამოცემათა სერიის „მოგონებები, მემუარები, ჩანაწერების“ პირველი ტომი.
„მოგონებები“ ნიკო ბაგრატიონის, იმავე ნიკო ბურის მიერ დაწერილია წმინდა ელენეს კუნძულზე გადასახლებისას, ამ “მოგონებებში“ იგი თავის ყოველდღიურ ცხოვრებასა და განცდებს აღწერს. 1899 წელს აფრიკაში ლომებზე სანადიროდ წასული ნიკო ბაგრატიონის მოგზაურობას დაემთხვა ინგლისის მიერ სამხრეთ აფრიკის (ბურების) რესპუბლიკის წინააღმდეგ საომარი მოქმედებები. ის ჩაერთო ომში და ბურების მხარეს იბრძოდა. ომის დასასრულს ტყვედ ჩავარდა და წმინდა ელენეს კუნძულზე გადაასახლეს.
რუსულიდან თარგმნა და გამოსაცემად მოამზადა: თამარ გაბუნიამ
ზომა: A5
გვერდების რაოდეობა: 80 გვ.
ყდა: რბილი გარეკანი, ტყავი
წიგნი „მარო თარხნიშვილის მოგონებები“
საქართველოს ეროვნული არქივის გამოცემათა სერიის „მოგონებები, მემუარები, ჩანაწერების“ მეორე ტომი.
პირველი ქართველი ლოტბარი ქალის, მარო თარხნიშვილის, მოგონებები 1909-1968 წლებს მოიცავს. მემუარების ავტორი საინტერესო ამბებს გვიყვება საქართველოს სამი პერიოდის - მეფის რუსეთის დროინდელი, პირველი დემოკრატიული რესპუბლიკისა და საბჭოთა დროის - შესახებ.
წიგნი გამოსაცემად მოამზადა და წინასიტყვაობა დაურთო ნინო ბადაშვილმა.
ზომა: A5
გვერდების რაოდეობა: 215 გვ.
ყდა: რბილი გარეკანი, ტყავი.
წიგნი „საქართველოს პირველი რესპუბლიკის არმიისა და სახალხო გვარდიის შეიარაღება“
საქართველოს პირველი რესპუბლიკის არსებობის ხანმოკლე პერიოდში ერთ-ერთი ძირითადი საკითხი ქვეყნის უსაფრთხოების გაძლიერება იყო. საქართველოს ეროვნულ არქივში დაცულ საარქივო მასალაზე დაყრდნობით წიგნის ავტორი აანალიზებს იმ პერიოდის თავდაცვის სისტემას და ყურადღებას ამახვილებს იარაღის თითოეულ ტიპზე, რომელთაც 1918-21 წლების საქართველოს შეიარაღებული ძალები ფლობდა.
გამოსაცემად მოამზადა: დიმიტრი სილაქაძემ
ზომა: 21X14,5 სმ.
გვერდების რაოდენობა: 79 გვ.
ყდა: რბილი გარეკანი
წიგნი "ჩვენი არქივი - ჩვენი საუნჯე"
გამოცემაში წარმოდგენილია საქართველოს ეროვნული არქივის ფონდებში დაცული მრავალფეროვანი მასალა: ქართული თუ უცხოური ხელნაწერები, ისტორიული საბუთები, რუკები, აფიშები, მინიატურები, ავტოგრაფები, ფოტოები, პროექტები თუ სხვა საარქივო დოკუმენტები.
ზომა: 27X21 სმ.
გვერდების რაოდენობა: 99 გვ.
ყდა: რბილი გარეკანი
გასაფერადებელი ბროშურა
ღია ბარათების ნაკრები წმინდა გიორგის ლექსად თქმული ცხოვრება
ბარათებზე გამოსახულია წმინდა გიორგის ცხოვრების ამსახველი სცენები ხელნაწერიდან "წმინდა გიორგის ლექსად თქმული ცხოვრება", XVII ს.
ღია ბარათის რაოდენობა: 10 ცალი
კონვერტის ზომა: 12X16 სმ. ფერადი
ყდა: რბილი, 280 გრ. ყვითელი ტილო.
ყდაზე: თავსამკაული განკითხვის სცენით, “წმიდა გიორგის ლექსად თქმული ცხოვრება“, XVII ს.
ღია ბარათების ნაკრები, XVI საუკუნის ხელნაწერის მინიატურებით
